WiMax - Цена за концесија

На вчерашната седница на Владата била одредена и Цената за концесијата на WiMax - користење на фрекфенцијата 3410-3600 MHz ... Према Миле Јанакиевски Министерот за транспорт - WiMax ке стартува со тендер и постапка во Мај ... Ќе има вкупно 20 лиценци за вајмакс технологија и очекуваме во 2010 година голема територија од Македонија да биде покриена со бежичен интернет ...

За жал во написот на МТВ сајтот не е кажана цената ... Тука подсетуваме дека како Интернет Македонија побара почетниот износ кој добитниците на тендерот ќе треба да го платат за одбрението да биде минимален, за да се привлечат инвеститори во секторот.

Бидејќи WiMax-от нуди ретка можност да се заобиколи доминантната положба на Телеком, Интернет Македонија побара тие да бидат исклучени од тендерот, за што постои и одредена законска можност. Во спротивно може да се случи Телеком, самостојно или преку поврзани субјекти, да ги запоседне фреквенциите и со тоа да ја зацементира својата доминација, а поевтините, подостапните и поквалитетни услуги да останат само убави приказни од стратегиите.

За ова веќе пишувавме во постот - WiMax место MaxADSL

СТРАТЕГИЈА

Имаме наплив на стратегии ... Стратегија за ова ... Стратегија за она ... Во една прилика слушнав дека се спрамала национална стратегија за собирање на сметот ...

Шала на страна ... Према информациите од сајтот на МТВ - Подбрување на користењето на ИКТ со национална стратегија ... на вчерашна седница Владата разгледувала “Националната стратегија за развој на електронските комуникации со информатичка технологија.“ ...

Оваа стратегија се заговара и крчка во Министерството за танспот веќе повеќе од осум месеци ... Имаше неколку верзии кои во интерни процедури и со помош на некои невладени организации и експерти беше спрема доволно долго - за да времето ги надминува неколкуте верзии направени пред тоа ... Инаку е преземена обрвска пред ЕУ ...

Стратегијата најпрвин се бави самата со себе и ги наведува причините зошто е потебна оваа стратегија ... потоа прави пресек на состојбите со електронските комуникации и информатичка технологија во Македонија ... За на крај да се предложат насоки и мерки за подобрување на ситуацијата ... “Акционен план“ ...

Ќе почекаме документот јавно да биде објавен за да го коментираме - бидејки ова што го имаме сега е само работна верзија ... за која сме замолени да не ја коментираме ... Инаку имаше презентација на стратегијата на една Трибина „Зголемување на пенетрација на широкопојасен интернет во Македонија“ која ќе се одржа на 27 февруари 2007 г. во организација на Фондацијата Метаморфозис ... На оваа трибина ни беше презентирана и една верзија од “Националната стратегија за развој на електронските комуникации со информатичка технологија.“ (НСРЕКИТ) ... Презентер: Димитар Буковалов, Министерство за транспорт и врски на РМ

На денешната прес конференција оваа стратегија ја презентираше министерот за транспорт и врски Миле Јанакиески.

** Во последните четири-пет години има вртоглав пад на рангот на Македонија на речиси сите инфокомуникациски индикатори и таквата лоша слика за државата треба да се подобри со оваа стратегија, за која најдоцна за три месеци во соработка со приватниот сектор треба да изготвиме акциски план во кој ќе биде предвидено кои активности ќе се преземат и кои ќе бидат бенифициите.
** Следната недела ќе се одржи јавна расправа.
** Нејзиниот конечен текст треба да биде усвоен од Владата до 10 април, по што ќе се достави до Собранието.
** Согласно целите на Националната стратегија до 2010 година Македонија во користењето на информатичко-комуникациските технологии треба да достигне до 80 проценти од просекот на новите земји членки на ЕУ, а до 2012 тој просек да биде 90 проценти.
За исполнување на целите и спроведување на потребните мерки ќе се формира национален совет за информатичко општетсво, во кој ќе бидат вклучени приватниот и јавниот сектор, универзитетите и невладините организации, најави министерот Ивановски.

Во некој нареден пост ке Ви ја представиме стратегијата ...

Linux VS. Windows - тендер

Деновиве сем сведоци на објавување на тендер за набавка на персонални компјутери во средните школи ...

За сите 95 средни училишта ќе бидат потребни вкупно 10.572 персонални компјутера, 52.860 помошни апарати наречени тин-клиенти и по 63.432 монитора. Во 164 осмолетки во 84 општини ќе бидат инсталирани вкупно 7.284 персонални компјутери и по 35.278 монитори, тастатури и глувчиња.

Владата најави дека за тие потреби се обезбедени 9 милиони евра за годинава и дека уште толку ќе се обезбедат во буџетот за 2008 година.

По многуте донации еве и нашата Влада се сети да инвестира во својата иднина ...

Во една од ТВ емисиите се јави надлежниот од Министерството за образование (не му го запаметив името...). Тој појасни дека се работи за прва фаза на компјутеризација на образованието ... ке се компјутеризира наставата целосно во сите средни школи и во дел од основните ... а втора фаза ке бидат основните школи ... во кои прво треба да се исполнат техничките предуслови за компјутеризација ... Човекот најави дека со компјутеризацијата се спрема и наставна содржина (посебен тендер или проект во Министерството за образование ...) ...

На прашањето кој ке ги одржува компјутерите ... одговори дека ке имаат три годишна гаранција ... а одржувањето ке се довери на заинтересирани фирми и компании ...

Најинтересно беше прашањето - кој оперативен систем ке има во компјутерите ... Беше најавен слободниот софтвер Linux ... како решение ... Изглаеда ке имаме големе битка со Microsoft Windows ... Не сум сигурен дали минатата Влада кога го потпишуваше договорот со Микрософт дали е Македонија обврзана на ексклузивитет на Микрософт во Македонија ...

Особено ке биде интересно како ке се снаоѓаме со стручни лица за Линокс ... Имено наставничкиот кадар е обучен само за Виндовс ... бројни курсеви се одржуваа ... Чинам дека процесот на обука ке биде предолг за да успее проектот со компјутеризација на образованието во Македонија - со оглед на сталното менување на оперативниот систем ...

Дали следи раскинување на договорот со Микростофт ... за целата администрација ...

Искркрајно ако добро се размисли можеби е тоа добар потег ...

КОЈ НИ Е КРИВ ...

Латас во својата понеделничка колумна во Вечер ни укажува на неколку интересни работи а во врска со нашиот Телеком ...

“.. Телеком се пофали дека лани, од нашите фиксни и мобилни разговори, групацијата заработила околу 160 милионин евра! Машала.
Тоа е најголема заработка, според влог и пазар, на една фирма во вкупниот систем на моќниот Дојче Телеком!..“

“..Во бедна Македонија, од телефонски разговори, да напариш ќар до 160 милиони евра, што е десет посто од вкупниот државен буџет, ... Ако немало магија, мора тогаш цените на услугите да биле нерално превисоки, да се дрпало и отимало за таков ќар..“

“..Дека се наплаќало по срамно високи цени, во услови на фиксен монопол, или контролирана мобилна кокуренција. А кој преклани и лани им дозволил монопол на Телеком, надвор од законот. Владата! Кој, без никаков тендер, со години наназад за владини и јавни службеници користи само еден мобилен оператор. Владата! Кој не го казнува Телеком за наплата на манипулативни трошоци, иако тоа немаат право. Владата.
Значи: кој го направил тој васионски ќар за групацијата Телеком? Атила Сендреи и неговите пирати?! Не, Владата им го направила тој ќар.
А ќарот е од наши пари. Од незаконски монопол и незаслужено високи цени на услугите..“

Немам што да додадам или да одземам од текстот на Латас ... за истото го делиме мислењето ... многупати од нас е укажувано за истото ... заради истите причини на заговор на МК Влада против сопствениот народ имаме и најскап интернет во регионот ... и од земја лидер во Интернет процесите - станавме земја на дното на Интернет пенетрацијата ...

За ова пишуваме во - Монополските стеги на МТ ... Цени на АДСЛ конекција ... СКАП ИНТЕРНЕТ ...